 |
டைகர் க்ரிஸ்பி ப்ரான்
தேவை:
இறால்- அரை கிலோ
முட்டை - 1
வெங்காயம் -1
இஞ்சி பூண்டு விழுது - 1 தேக்கரண்டி
மிளகு தூள் - 1 தேக்கரண்டி
மஞ்சள் தூள் - 1 தேக்கரண்டி
சோயா சாஸ் - 1 தேக்கரண்டி
கார்ன் பிளார் - 2 தேக்கரண்டி
பிரெட் க்ரம்ஸ் -1 கப்
பச்சை மிளகாய் - 2
மல்லித் தழை - கையளவு
உப்பு - தேவையான அளவு
எண்ணெய் - தேவையான அளவு.
சுத்தம் செய்த இறாலை உப்பு மற்றும் மஞ்சள் தூள் சேர்த்து 15 நிமிடங்கள் வரை ஊற வைக்க வேண்டும். பின்னர், வெங்காயம், பச்சை மிளகாய் மற்றும் இஞ்சி பூண்டு விழுது சேர்த்து மை போன்று அரைத்துக் கொள்ள வேண்டும். ஒரு பாத்திரத்தில் இறாலை சேர்த்து அதில் சோயா சாஸ், உப்பு, மிளகுத்தூள், அரைத்த வெங்காய விழுது ஆகியவற்றை சேர்த்து நன்றாக பிரட்டிக் கொள்ள வேண்டும். ஒரு கிண்ணத்தில் முட்டையை உடைத்து ஊற்றி அதை ப்ரான் கலவையில் சேர்த்து நன்றாக கிளறி விட வேண்டும். பின்னர் கார்ன் பிளார், பாதியளவு ப்ரெட் க்ரம்ஸ் சேர்த்து மீண்டும் நன்றாக பிரட்டிக் கொள்ளவும். தயார் செய்து வைத்துள்ளஇறாலை மீதமுள்ள பிரெட் க்ரம்ஸில் சேர்த்து பிரட்டி எடுத்து அதனை சுமார் அரை மணி நேரம் வரை ஃபிரிட்ஜில் வைத்து விட வேண்டும்.
பின்னர், அடுப்பில் ஒரு வாணலி வைத்து அதில் எண்ணெய் ஊற்றி, சூடான பின் ஃபிரிட்ஜில் உள்ள ப்ரானை எடுத்து ஒவ்வொன்றாக போட்டு சிம்மில் வைத்து பிரானை பொரித்து, வடிகட்டி தனியாக வைத்துக் கொள்ள வேண்டும். இறுதியாக பொரித்த இறால் மீது நறுக்கி வைத்துள்ள மல்லித்தழையை தூவினால் க்ரிஸ்பியான டைகர் க்ரிஸ்பி ப்ரான் தயார்.
